- បរិមាណមនុស្ស ៖ ២នាក់
- រយៈពេលរៀបចំគ្រឿងផ្សំ ៖ ១០នាទី
- រយៈពេលចម្អិន ៖ ១៥នាទី
គ្រឿងផ្សំ
- សាច់គោល្អ ២ខាំ
- ប៊ីចេង ១ស្លាបព្រាកាហ្វេ
- ប្រេងឆា ប្រេងម្ទេស
- ស្ករស ២ស្លាបព្រាកាហ្វេ
- ម្ទេសដៃនាង ៣គ្រាប់
- អំបិល ១ស្លាបព្រាកាហ្វេ
- ខ្ញី
- ខ្ទឹមក្រហម ៣កំពឹស
- ជីវ៉ាន់ស៊ុយ ៥សន្លឹក
- ក្រូចឆ្មារ
- គល់ខ្ទឹម
- ស្លឹកឫស្សី
- គ្រឿងបុក មានរំដេង គល់ស្លឹកគ្រៃ ស្លឹកក្រូចសើច រមៀត ខ្ជាយ និងខ្ទឹមស (បុកចូលគ្នាឱ្យម៉ត់)
របៀបរៀបចំគ្រឿងផ្សំ
- សាច់គោលាងទឹកឱ្យស្អាត រួចហាន់ជាចំណិតស្ដើងៗ រួចប្រឡាក់ជាមួយអំបិល ប៊ីចេង ស្ករស និងគ្រឿងបុកទើបស្រូបប្រេងម្ទេស បន្ដិចច្របល់ចូលគ្នាឱ្យចូលជាតិ ហើយផ្អាប់ទុករយៈពេល២នាទី
- គល់ខ្ទឹមលាងទឹកឱ្យស្អាត រួចយកសាច់គោដែលផ្អាប់ទុកមករុំជុំវិញគល់ខ្ទឹម
- ខ្ញីលាងទឹកឱ្យស្អាត រួចហាន់ជាចង្វាមូល
- ជីវ៉ាន់ស៊ុយ លាងទឹកឱ្យស្អាត
- ក្រូចឆ្មារ ច្របាច់យកទឹកដាក់ចាន
រូបភាពទស្សនាវដ្ដីសុខភាពយើង
វិធីធ្វើ
- សាច់គោរុំគល់ខ្ទឹមយកទៅចំហុយឱ្យឆ្អិន រួចសម្រិតយកទឹកទុកមួយឡែក
- ដាក់ខ្ទះនៅលើចង្ក្រានរួចចាក់ប្រេងឆាឱ្យក្ដៅបន្ដិច ទើបចាក់គ្រឿងបុកចូលនិងទឹកដែលសម្រិតពីសាច់គោចំហុយច្របល់ចូលគ្នាមួយ សន្ទុះ រួចស្រូបពីលើសាច់គោ ហើយស្រូបទឹកក្រូចឆ្មារ ឱ្យមានរសជាតិជូរបន្ដិច រួចរាល់ជាការស្រេច។
ចំណាំ ៖ មុខម្ហូបនេះ អាចទទួលទានជាមួយបាយក៏បាន ធ្វើជាគ្រឿងក្លែមក៏បាន។ នៅពេលរៀបចំបរិភោគដំបូងត្រូវរៀបស្លឹកឫស្សី នៅពីក្រោម បន្ទាប់មកដាក់សាច់គោតម្រៀបឱ្យស្អាតនៅលើស្លឹកឫស្សី រួចចាក់ទឹកស្រូបគ្រឿងបុក និងដាក់ស្លឹកជីខ្ញីនៅពីលើ។
ប្រភព ៖ ទស្សនាវដ្តី សុខភាពយើង លេខ០២៦ ខែមីនា ឆ្នាំ២០០៨
Leave a Reply