បរិមាណ​​មនុស្ស​ទទួល​ទាន ៖ ១នាក់

រយៈពេល​រៀបចំ​គ្រឿង​ផ្សំ ៖ ២៥នាទី

រយៈពេល​ចម្អិន ៖ ១២នាទី

គ្រឿងផ្សំ

ទំញំង ៥០ក្រាម

ម្ទេសប្លោក​ខៀវ ១៥ក្រាម

ម្ទេសប្លោក​ក្រហម ១៨ក្រាម

កូនពោត ឬ​ស្នៀតពោត ២០ក្រាម

អង្ករម្លិះ ១០ក្រាម

ត្រី​ឆ្អើរ ១០ក្រាម

ប្រហុក ២ក្រាម

អំបិល ២ក្រាម

ស្ករស ២ក្រាម

ទឹកត្រី ១០មីលីលីត្រ

ស្លឹកបាស ២៥ក្រាម

ស្អំ ២០ក្រាម

ននោង ៣០ក្រាម

របៀបរៀបចំគ្រឿងផ្សំ

ទំញំង​ត្រូវហាន់​ស្ដើងៗ ហើយលាង​ជាមួយ​ទឹក​ឱ្យស្អាត

ត្រីឆ្អើរ​ត្រូវបេះ​យកតែ​សាច់សុទ្ធ ហើយ​លាងទឹក​ឱ្យ​ស្អាត

ស្នៀតពោត ឬ​កូនពោត​ត្រូវ​ចិតជា​បីជ្រុង​ស្ដើង​ល្មម ហើយ​លាងទឹក​ឱ្យស្អាត

ប្រហុក​ត្រូវ​លាងទឹក​ឱ្យស្អាត ពី២​ទៅ៣ដង

ននោង ម្ទេស​ប្លោកខៀវ និង​ម្ទេសប្លោក​ក្រហម ត្រូវហាន់​ជាចំណិតៗ​ល្មម ហើយលាង​ឱ្យស្អាត

ស្អំ​ត្រូវបេះ​យកតែ​ត្រួយខ្ចី លាង​ឱ្យស្អាត​ជាមួយ​ទឹក

អង្ក​រម្លិះត្រូវ​ដាំជា​បាយ។

របៀបធ្វើ

ដំបូង​ត្រូវ​ដាំទឹក​ឱ្យពុះសិន ទើប​ដាក់ទំពាំង​ដែល​ហាន់ស្តើងៗ ទំពាំង​ត្រូវទុក​រយៈពេល​មួយ​សន្ទុះធំ ក្រោយ​មក​ទើប​យក​កូន​ពោត និង​ត្រីឆ្អើរ​ដែល​លាង​ហើយ​ដាក់ចូលជាមួយទំពាំង។ បន្ទាប់​មកដាក់​ប្រហុក​ចូល ឫប្រហុក​ត្រូវ​ចម្រាញ់​យកតែ​ទឹក​ឬ ហើយ​នៅ ពេលជិតឆ្អិន​ត្រូវបង់អង្ករផ្កា​ម្លិះ​ចូល ដើម្បី​ឱ្យទំពាំងទន់ល្អ។ បន្ទាប់មកត្រូវបង់​ននោង រួមទាំង​ម្ទេសប្លោក​ខៀវ និងម្ទេសប្លោក​ក្រហមចូល ហើយដាក់​ទឹកត្រី សបារស និង​អំបិល ហើយ​ត្រូវ​ភ្លក​មើល​ឱ្យល្មម ចុងក្រោយ​ត្រូវដាក់ស្លឹកបាស និងស្អំ​ចូល​ជាការ​ស្រេច។

បញ្ជាក់ ៖ ម្ហូប​នេះ​អ្នកអាច​ទទួលទាន​បាន​ជាមួយ​បាយស។

ប្រភព ៖ ទស្សនាវដ្តី សុខភាពយើង លេខ៤៥ ខែកុម្ភៈតុលា ឆ្នាំ២០០៩