• បរិមាណមនុស្ស​បរិភោគ ៖ ៤ នាក់
• រយៈពេលរៀប​ចំគ្រឿង ៖ ១៥នាទី
• រយៈពេល​ចម្អិន ៖ ២៥នាទី

គ្រឿងផ្សំ

• ត្រីអណ្ដែងទន់ កន្លះគីឡូ​ក្រាម
• ម្នាស់ដែលមាន​ជាតិផ្អែម ១ផ្លែ
• ដូងទុំ ១ផ្លែ
• សណ្ដាន់ក្រៀម ១៥​ចំណិត
• ទឹកត្រី ២ស្លាប​ព្រាបាយ
• គល់ស្លឹកគ្រៃ ៧ដើម
• ខ្ទឹមស ៥កំពឹស
• ស្លឹកក្រូចសើច
• ម្ទេសដៃនាង ៤គ្រាប់
• ម្ទេសឆ្អើ កន្លះខាំ
• ជីនាងវង ២សរសៃ

គ្រឿងផ្សំ​រសជាតិ

• ស្ករត្នោត ២ស្លាប​ព្រាបាយ
• ប៊ីចេង ៣ស្លាបព្រា​កាហ្វេ
• អំបិល ១ស្លាបព្រា​កាហ្វេ

ការរៀបចំ​គ្រឿងផ្សំ

• ត្រីលាងទឹកឱ្យស្អាត រួចហាន់​ជាកង់ៗ
• ម្ទេសឆ្អើរយកទៅលាងទឹកឱ្យស្អាត ហើយ​ចិញ្ច្រាំ​ឱ្យម៉ដ្ឋ
• ដូងទុំកោស ពូត​យកខ្ទិះដើម ១កូន​ចានតូច និង​ពូតយក​ខ្ទិះចុង​ទុកមួយ​អន្លើរ
• ម្នាស់ទុំចិតសម្បកឱ្យស្អាត រួចហាន់​ជាកង់ៗ
• គល់ស្លឹកគ្រៃ រំដេង ល្មៀត ខ្ទឹមស កិន​ចូលគ្នា​ឱ្យម៉ដ្ឋ

វិធីធ្វើ

២- ចាក់ដើមខ្ទិះពាក់កណ្ដាល​ទៅក្នុងឆ្នាំង កូរវាឱ្យ​ឈ្ងុយ

៣- ដាក់ម្ទេសឆ្អើរដែលបាន​ចិញ្ច្រាំរួច​ចូល រួចកូរ ឱ្យឡើង​ពណ៌ល្អ

៤- ចាក់គ្រឿងកិនចូល ហើយកូរឱ្យ​ចូលជាតិ

៥- ដាក់គ្រឿងផ្សំ​រសជាតិចូល

៦- ដាក់ត្រីចូលទុករយៈ​ពេល ១០នាទី

៧- ដាក់ម្នាស់ចូលទុករយៈ​ពេល ២នាទី

៨- ចាក់ខ្ទិះចុងចូលល្មម​លិចសាច់​ត្រី រួចដាក់ម្ជូរ​សណ្ដាន់

៩- ភ្លក់មើលប្រៃផ្អែមល្មម ចាក់ខ្ទិះ​ដើមដែល​នៅសល់ ទុកមួយ​អំពុះ ទើបដាក់​ចុះ ជាការ​ស្រេច។

១០- នៅពេលដួស​ដាក់ចាន យកម្ទេស​៣គ្រាប់ និងជីនាង វងរោយ​ពីលើ។

ចំណាំ ៖ មុខម្ហូបនេះ យើងគួរធ្វើ​ជាមួយត្រី​អណ្ដែងទន់ ឬត្រីសណ្ដាយ​ទើបឆ្ងាញ់។