ដើមទ្រូងធំ មូលណែនក្បំស្រស់ស្អាត ជាមួយនឹងក្បាលសុដន់ទាំងគូមានពណ៌ក្រហមប្រឿងៗ ឬស៊ីជម្ពូ ដែលគួរឱ្យទាក់ ទាញ ជាបំណងប្រាថ្នារបស់ស្ដ្រីគ្រប់រូប។ ដូច្នេះ ទើបមានស្ដ្រីមួយចំនួនបានស្វះស្វែងរកនូវវិធីសាស្ដ្រជាច្រើន ដើម្បីកែខៃប៉ះប៉ូវ និងបំពេញនូវបំណងប្រាថ្នារបស់ខ្លួន។ ប៉ុន្ដែនៅពេលដែលមានដើមទ្រូងធំ មូលណែនក្បំ ឬទ្រលុកទ្រលន់ គួរជាទីទាក់ទាញហើយ ក៏ នៅពុំទាន់បំពេញចំណង់របស់ស្ដ្រីមួយចំនួនដែលមានទម្រង់ក្បាលសុដន់ធំជ្រុលឬតូចជ្រុលនៅឡើយ។ ហេតុដូច្នេះ ទើបការស្វែងរកវិធីសាស្ដ្រផ្សេងៗ ដើម្បីឱ្យក្បាលសុដន់ប្រែក្លាយពីធំមកតូច សមនឹងទំហំសុដន់ទាំងគូរបស់ខ្លួន។
ឈប់បារម្ភនឹងបញ្ហានេះទៀតទៅ ទស្សនាវដ្ដី សុខភាពយើង នឹងបង្ហាញជូនលោកស្រីអ្នកនាងកញ្ញា ក្រោមការចូលរួម បកស្រាយយ៉ាងក្បោះក្បាយពីសំណាក់លោកស្រី សុផាន មុំ អ្នកជំនាញនៅមជ្ឈមណ្ឌលកែសម្ផស្សដាវី-អារីយា(ម៉ិញតាំ)។
វិធីវះកាត់កែក្បាលសុដន់ពីធំទៅតូច
ក្បាលសុដន់ធំ គឺមានទម្រង់ធំ ពុំសក្ដិសមទៅនឹងសុដន់ដែលក្បំទាំងគូ មិនមានលក្ខណៈទាក់ទាញ ជាពិសេសសម្រាប់ មនុស្សពិសេសរបស់ខ្លួន។ ទោះបីជាក្បាលសុដនធំទៅតាមលក្ខណៈធម្មជាតិយ៉ាងណាក្ដី ប៉ុន្ដែអាចមានវិធីកែខៃបានដែរ។ ការសម្រេច ចិត្ដទទួលការវះកាត់ក្បាលសុដន់ពីធំមកតូច ដើម្បីបង្កើននូវសោភ័ណភាពរាងកាយនោះ លោកស្រីអ្នកនាងកញ្ញាគួរគប្បីស្វែងយល់ នូវចំណុចមួយចំនួនជាមុនសិន ទើបជាការប្រសើរ។
- មុនពេលវះកាត់ ៖ ជាដំបូងលោកស្រីអ្នកនាងកញ្ញាគួរតែត្រួតពិនិត្យមើលសុខភាពជាមុន ដើម្បីឱ្យដឹងច្បាស់ថា តើអាច បណ្ដាលឱ្យមានផលប៉ះពាល់ទៅដល់សុវត្ថិភាព ឬសុខភាពក្រោយពេលវះកាត់ដែរឬទេ។ នៅពេលដែលពិនិត្យទៅឃើញថា ពុំមាន បញ្ហាអ្វីចោទនោះទេ អ្នកជំនាញចាប់ផ្ដើមលាងសម្អាតសម្លាប់មេរោគនៅត្រង់បរិវេណជុំវិញក្បាលសុដន់ ដែលត្រូវប្រតិបត្ដិការវះកាត់ និងគូសរង្វង់នៃទំហំក្បាលសុដន់ ទៅតាមតម្រូវការរបស់អតិថិជនដែលប្រាថ្នាចង់បាន។ បន្ទាប់មកអ្នកជំនាញចាំបាច់ត្រូវចាក់ថ្នាំស្ពឹក ដើម្បីកាត់បន្ថយការឈឺចាប់នៅពេលធ្វើការវះកាត់។
- ពេលវះកាត់ ៖ នៅក្នុងខណៈពេលដែលចាប់ផ្ដើមធ្វើការវះកាត់ អ្នកជំនាញប្រើឧបករណ៍មួយចំនួនដែលបានត្រៀមទុក ដោយសម្លាប់មេរោគរួចជាស្រេច។ សាច់ ឬកោសិកានៃក្បាលដោះមួយចំនួនត្រូវបានវះកាត់យកចេញ។ នៅពេលកំពុងធ្វើការវះកាត់ ប្រសិនបើមានហូរឈាមច្រើន នោះអ្នកជំនាញនឹងប្រើថ្នាំសម្រាប់ឃាត់ឈាម។ ចំពោះពេលវេលាសម្រាប់ធ្វើការវះកាត់ក្បាលសុដន់ពី ធំមកតូចនេះ ត្រូវចំណាយពេលប្រមាណជាមួយម៉ោង។ បន្ទាប់មកអ្នកជំនាញដេរភ្ជិត និងចាក់ថ្នាំបន្ថយការឈឺចាប់ ក្រោយពេលវះកាត់។
- ក្រោយពេលវះកាត់ ៖ បន្ទាប់ពីបានឆ្លងកាត់នូវការវះកាត់ហើយ ក្បាលសុដន់របស់លោកអ្នកនាងនឹងប្រែពីធំមកតូច ស្រស់ស្អាតដូចធម្មជាតិ ដែលមើលទៅគួរឱ្យស្រឡាញ់ក្នុងកំឡុងពេលពី១០-១៥ថ្ងៃក្រោយ។ ក្រោយពេលវះកាត់ លោកអ្នកនាងគួរ តែតមនូវប្រភេទអាហារមួយចំនួនដែលអាចបណ្ដាលឱ្យមានការប៉ះពាល់ទៅដល់មុខរបួស ឬអាចបណ្ដាលឱ្យមានដុះសាច់(ផ្លែសាច់) ក្រោយពីមុខរបួសត្រូវបានជាសះស្បើយ ដូចជាសាច់មាន់ សាច់គោ គ្រឿងសមុទ្រ ត្រកួនជាដើម។ ម្យ៉ាងវិញទៀត ដើម្បីឱ្យមាន ទំនុកចិត្ដ និងមុខរបួសឆាប់បានជាសះស្បើយ លោកស្រីអ្នកនាងកញ្ញាគួរតែឧស្សាហ៍ទៅជួបជាមួយអ្នកជំនាញ ដើម្បីទទួលនូវការត្រួតពិនិត្យមុខរបួសជាប្រចាំ ២-៣ថ្ងៃម្ដង។
បណ្ដាំផ្ញើអ្នកជំនាញ
ការព្យាយាមស្វែងរកនូវការកែច្នៃវះកាត់ក្បាលសុដន់ពីធំមកតូច ដើម្បីជួយលើកកម្ពស់សម្រស់ឱ្យស្រស់ស្អាតពីធម្មជាតិ មួយកម្រិត និងគួរជាទីគយគន់ ជាពិសេសសម្រាប់មនុស្សពិសេស គឺជាប្រការមួយដែលប្រសើរបំផុត។ ប៉ុន្ដែលោកស្រីអ្នកនាងកញ្ញាគួរ ស្វែងយល់ពីសេវាកម្មដែលពុំមានជំនាញច្បាស់លាស់ពិតប្រាកដ នោះក្ដីប្រាថ្នារបស់លោកស្រីអ្នកនាងកញ្ញាពិតជាមិនអាចសម្រេចបាន ឡើយ លើសពីនេះទៅទៀតអាចជះឥទ្ធិពលអាក្រក់ទៀតផង។
ប្រភព ៖ ទស្សនាវដ្តី សុខភាពយើង លេខ៤២ ខែកក្កដា ឆ្នាំ២០០៩
Leave a Reply